CEBU, Philippines - Ang National Grid Corporation of the Philippines (NGCP) nisumitir na sa ilang aplikasyon sa ilang provisional authority alang sa Visayas-Mindanao Interconnection Project application kagahapong adlawa ngadto sa Energy Regulatory Commission (ERC).
Isip suporta sa prayoridad nga programa sa gobiyerno nga island interconnections, magsugod ang rota sa maong proyekto sa Cebu paingon sa Dipolog.
"The safest and most viable route for the project was a long and tedious process, given the many challenges that faced us, like unexploded ordinances, fault lines, and submarine volcanic activity. We needed to be careful and sure, as this is going to be the biggest project in the history of the Philippine power industry," matud pa sa NGCP sa ilang press release.
Dugang sa NGCP nga kun maaprubahan sa ERC ang ilang provisional authority, ila dayon kining sugdan. Nanghinaot sila nga kini mauyonan sulod sa unom ka buwan.
"NGCP will immediately put into motion plans that will lead to the eventual unification of the country’s three main grids. Barring any delays, we hope to get this done by 2020 NGCP understand’s that this is a monumental, expensive project that not all can complete, or even begin, on their own," matud pa sa NGCP.
Nihangyo usab og suporta sa publiko ang NGCP ilabi na kadtong mga komunidad nga maagian sa ilang proyekto. (BANAT NEWS)