CEBU, Philippines - Bukog sa lalaki, nakit-ang nagkatag sa Sitio Dam-an, Barangay Pamutan, bukirang dapit sa Dakbayan sa Sugbo niadtong Lunes sa udto.
Ang maong mga bukog giila nga kang Nikolas Kalinawan, 54-anyos, usa ka mag-uuma ug nagpuyo sa maong lugar. Nailhan kini tungod sa nahabilin niining senina nga giila sa iyang anak nga si Renante kinsa maoy nakakita sa mga bukog.
Nasayran nga ang biktima nawagtang niadto pang buwan sa Marso. Gidala ang mga bukog sa punerarya aron mapahimutang ug gisusi pa ang hinungdan sa kamatayon sa biktima. Rhena Pizarra (BANAT NEWS)