CEBU, Philippines - Gipasar sa second reading sa Ubos Balay-Balauranan ang ang balaudnon nga magdili sa mga tambalanan nga mangayo og deposito sa ma-admit nga pasyente.
Ang House Bill 5159 nagtinguha sa pag-amendar sa Batas Pambansa Bilang 702.
Matud ni Akbayan Representative Tom Villarin, ang principal author sa balaudnon, nga bisan sa “no balance billing” policy sa Philippine Health Insurance Corporation (PhilHealth) alang sa mga indigents, daghan lang gihapon ang mga taho nga ang mga pribadong tambalanan mosalikway sa mga pasyente kay lagi dili kini makabayad.
Kung kini magpadayon, sumala pa ni Villarin nga ang pito sa napulo ka Pilipino nga mamatay nga dili makapasusi sa doctor ang hayan mosaka pa ang gidaghanon ilabi na nga katunga sa tanan barangay sa nasud ang walay barangay health station.
Matud niya nga angay mahunong na ang maong praktis pinaagi sa pagpausbaw sa multa sa molapas sa Anti-Hospital Deposit Law.
Ubos sa iyang balaudnon, panahon sa emergency o serious cases, kalapasan na ang pagpangayo og deposit sa tambalanan una pa dawaton ang pasyente.
Gawas sa multa, mahimo sab nga ipasira o isuspenso sa Department of Health ang license to operate sa tambalanan. (BANAT NEWS)