CEBU, Philippines - Gumikan sa mga dili maayong lakat sa panahon ug adunay mga pagbaha, ang Department of Health pinaagi sa Regional Epidemiology and Surveillance Unit naniid karon sa sakit nga tipdas ug kalibanga.
Matud ni Renan Cimafranca, pangulo sa RESU-7, nga human sa Sinulog nipahigayon sila og water quality monitoring sa mga lugar nga gipangbahaan aron masusi ang mga tinubdan sa tubig.
Wala pa hinoon silay resulta sa gipahigayon nga test apan nanghatag na sila og mga water disinfectants sa mga lugar nga adunay kaso sa kalibanga.
Gitug-an ni Cimafranca nga ilang gibantayan sa unang quarter sa tuig ang tipdas ug kalibanga tungod kay adunay mga pag-uwan-uwan nga niresulta sa pagbaha ug makaapektar sa mga tinubdan sa tubig nga imnonon sa mga tawo. (BANAT NEWS)