CEBU, Philippines - Dili pa makapagawas og resulta sa autopsy ang Commission on Human Rights sa patay'ng lawas ni John Jason Montes kinsa nakalas sa operasyon sa kapolisan sa Isla sa Banacon, Getafe, Bohol.
Matud ni Leo Villarino, imbestigador sa CHR-7, nga wala pay official report ang forensic team sa CHR gikan sa Manila.
Nasayran nga si Dr. Ludivino Lagat, nangulo sa forensic team, nipahigayon na og briefing sa CHR-7 kagahapon.
Sigun ni Villarino nga si Lagat wala nihatag og specific nga petsa kun kanus-a sila mohatag sa official report. Naglaum ang CHR-7 nga dili madugay mogawas ra ang opisyal nga report aron masuta kun overkill ba ang pagpatay kang Montes kinsa ang pamilya nidangop sa ahensiya aron kapangitaan og hustisya ang nahitabo. (BANAT NEWS)