CEBU, Philippines - Bisan wala makatambong sa 51st International Eucharistic Congress si Pope Francis mipadangat gihapon kini og iyang mensahe diha sa Archdiocese of Cebu alang sa mga delegado.
Matud pa nga usa ka 12-minutos nga video ni Pope Francis ang ipakita atol sa Statio Orbis nga mao ang kataposang Santos nga Misa mahitungod sa 51st IEC nga anha himuon sa San Pedro Calungsod Templete sa South Road Properties ning Dakbayan sa Sugbo. Si Msgr. Joseph Tan, tigpamaba sa archdiocese, nagkanayon kagahapon sa buntag nadawat nila ang maong mensahe sumala pa ni Tan, sa video nga gipadala ni Pope Francis, anaa sa iyang likod ang mahal nga Birhen Maria.
Si Tan, nipadayag nga sa mensahe ni Pope Francis mahibaw-an usab kung asa na usab ang sunod nga International Eucharistic Congress ipahigayon.
Giawhag ni Tan, ang tanan mga katawhan nga moapil sa maong kalihukan tungod kay makasaysayanon kini ug molanat pa og pipila ka tuig una mobalik ang IEC dinhi sa Sugbo.
Samtang si Archbishop Jose Palma nipadayag nga “rain or shine” padayon ang Statio Orbis sa SRP. (BANAT NEWS)