Kapin 5 mil mitambong sa youth day

CEBU, Philippines - Bisan wa mahinayon diha sa Mandani Bay ang overnight vigil nga usa sa kalihukan sa IEC Youth Day kagabii ug karong adlawa apan ang kapulisan sa dakbayan sa Mandaue lakip na usab ang Traffic Enforcement Agency of Mandaue (TEAM) moabag gihapon ngadto sa Dakbayan sa Lapu-Lapu aron masiguro nga ang kalihukan magmalampuson, hapsay ug malinawon.

Matud ni Senior Superintendent Jonathan Cabal, City Director sa Mandaue City Police Office (MCPO) gimando sa Police Regional Office (PRO)-7 kinahanglan i- realign ang ilang pwersa pagtabang sa Lapu-Lapu.

Dugang ni Cabal, aduna silay 66 ka polis nga gipadala diha sa Hoopsdome aron pagtabang sa pagbantay sa seguridad sa dapit.

Gumikan sa kanunay nga pag-uwan dihang giadto sa Banat News ang Mandani Bay nga mao untay pahigayonan sa vigil apan naglutak ang maong dapit sa lapok ug adunay mga nagpundong tubig tungod sa sagunson nga pagbunok sa uwan.

Hinuon, nagkanayon si Glenn Antigua, pangulo sa TEAM  andam silang motabang sa Lapu-Lapu kun gikinahanglan.

Kagahapon sa buntag, nagsugod og pangabot ang mga delegado sa IEC Youth Day gikan sa Luzon, Visayas ug Mindanao ug gikan sa ubang nasud.

Base sa listahan sa registration committee miabot sa 3,604 ka mga pilgrims ang anaa karon sa Hoopsdome sa Dakbayan sa Lapu-Lapu ug 700 niini mga international delegates ug laing usa ka libo mga volunteers.  (BANAT NEWS)

 

Show comments