CEBU, Philippines – Nasikop sa kapolisan ang 18-anyos nga lalaki nga nangawat og motorsiklo sa iya’ng silingan sa Paknaan, Dakbayan sa Mandaue alas 8 pasado sa niagi’ng gabii.
Si Senior Police Officer 1 Gregorio Cabizare sa Presinto 3 sa Mandaue City Police Office niila sa nadakpan nga si Emmanuel Traya nga nagpuyo sa mao’ng dapit.
Ang biktima nga si Marjorie Vega, 38, nga nagpuyo sa mao’ng dapit, dali nga nangayo og panabang sa kapolisan diha’ng nadiskubrehan nga ang Yamaha niya’ng motorsiklo nga kolor pula ug itom ang kalit nahanaw sa iya’ng garahian.
Dugang ni Cabizare nga dali sila nga naghimo og follow-up operation.
Ang suspek nga wala pa usab makapahilayo ang nasigpatan sa mga molupyo sa hilit nga dapit hinungdan nga dali kini’ng gisikop.
Nabawi sa tag-iya ang motorsiklo gikan sa suspek kinsa nabalhug na karon selda sa kapolisan. – /GMR) (BANAT NEWS)