CEBU, Philippines – Hayag na ang Carbon Market human gibutangan sa Visayan Electric Company og electric system.
Matud ni Cebu City acting Mayor Edgardo Labella nga daku kining tabang alang sa mga manindahay sanglit dili na kinahanglan magbutang og kaugalingong suga sa stalls.
Makatabang usab kini sa pagsanta sa krimen.
Si City Market head Raquel Arce nagkanayon nga mapasalamaton usab siya tungod kay malikayan na usab ang illegal tapping sa kuryente.
Ang kagamhanan sa dakbayan ang mobayad sa konsumo sa suga.
Kini subay usab sa programa sa kagamhanan nga Private-Public Driven Governance (PPDG). – /GMR) (BANAT NEWS)