CEBU, Philippines – Ang paghinatagay dili lang kutob sa pasko kay kagahapon 200 ka tinun-an sa elementarya ug college nga gipatungha sa Friends of the Poor gipanghatagan og pinaskohan.
Ang pinaskohan gihatag sa mga sakop sa Batch 55 sa Marriage Encounter sa Bukas Loob sa Dios Covenanted Community nga gipangulohan ni Fr. Jerome Cayetano, SVD, didto sa University of San Carlos.
Matud ni Bro. Paul Bongcaras, SVD ,nga maoy nagtabang sa mga bata sa kadalanan nga gikontak siya sa BLD Batch 55 nga manghatag sila og pinaskohan isip pasalamat sa kapistahan ni Santo Niño. Ang mga tinun-an nakadawat og bugas, can goods, noodles, biscuit, katol ug snacks. Mapasalamaton si Bongcaras sa mga nagtabang sa ilang kawsa kay makahatag usab kini og inspirasyon sa kabataan nga magtinarong sa ilang pagtungha.
Usa sa mga scholar nibutyag nga dako kaayo ang ilang pasalamat kay bisan og dili kaayo makasuporta ang iyang ginikanan sa ilang pagtungha, apan adunay mga tawo nga malumo og kasingkasing nga nitabang kanila. (/RUB) (BANAT NEWS)