CEBU, Philippines – Nipagawas ang Vatican City og stamp alang sa 51st International Eucharistic Congress nga himuon karong Enero 24-31, 2016 sa Dakbayan sa Sugbo.
Matud ni Auxiliary Bishop Dennis Villarojo, secretary-general sa IEC, nga ang stamp giulohan og CITTA DEL VATICANO diin gihulagway ang 51 Congresso Eucaristico Internazionale Cebu Filippine.
Sumala pa ni Villarojo nga angayan atangan ang mao’ng stamp nga ilusad atol sa pagbukas na sa IEC duha ka semana gikan karon.
Dugang ni Villarojo nga matahum ang mao’ng stamp ug mahimo usab kini nga souvenir sa talagsaon nga international nga kalihukan kay dili pa mahibaw-an kung kanus-a kini mobalik sa Sugbo. (Rowena D. Capistrano/GMR)(BANAT NEWS)