CEBU, Philippines – Ang tagdumala sa 51st International Eucharistic Congress nga anhi ipahigayon sa dakbayan sa Sugbo magkinahanglan pa og P50 milyones alang sa dugang gastohan.
Ang Secretary General sa IEC nga si Auxiliary Bishop Dennis Villarojo nibutyag nga bisan og 19 na lang ka adlaw sa dili pa ang pagpahigayon sa IEC, apan daghan pa sila og mga angay’ng andamon.
Malaumon hinuon si Villarojo nga mahuman ra ang ilang gimbuhaton sa dili pa ang pagsugod sa EIC karong Enero 24. May mga misaad og tabang-salapi alang sa EIC nga wala pa nila madawat.
Pagka karon padayon pa ang pagpanawat sa mga donasyon gikan sa mga gusto nga motabang alang sa kalampusan sa international nga kalihukan.
Ang mga boxes alang sa “Piso Para sa Misa ng buong Mundo” anaa pa sa mga parokya ug mahimo ra nga adto mohulog sa ilang mga donasyon ang katawhan.
Giawhag ni Villarojo ang katawhan nga mag-ampo alang sa kahapsay, kalinaw ug kalampusan sa international nga kalihukan ug dili usab mohunong sa ilang pagka manggihatagon. – /RUB) (BANAT NEWS)