CEBU, Philippines – Ipatawag sa Department of Labor and Employment ang 28 ka kompaniya sa Sugbo human giingong napakyas sa paghatag sa 13th month pay sa mga kawani niadto’ng Disyembre 23 nga mao’y katapusang adlaw sa paghatag niini.
Matud sa officer-in-charge sa DOLE-7, Exequiel Sarcauga, nga niadto’ng Disyembre 28 nakadawat sila og reklamo gikan sa 45 ka kawani sa 19 ka kompaniya nga wala mohatag sa ila’ng 13th month pay.
Sumala pa ni Sarcauga nga Disyembre 29, nakadawat na sab sila og reklamo gikan sa 20 ka trabahante sa siyam ka kompaniya.
Matud ni Sarcauga nga ipatawag nila sa usa ka conference karong Enero 7 ang mga kompaniya aron i-settle ug ihatag gyud ang 13th month pay sa mga empleyado kay obligasyon kini nila.
Si Sarcauga nibutyag nga hatagan nila og duha ka notisya ang mga employer alang sa mandatory conference una sila moluwat og kamanduan sa Non-Payment of 13th Month Pay. – /GMR) (BANAT NEWS)