CEBU, Philippines – Giseguro nga dili masakripisyo ang bahandi sa kinaiyahan ug kalikupan dungan sa paglambo sa Probinsiya sa Sugbo.
Kini ang tumong sa bag-o lang gipahigayon nga biodiversity summit nga gipasiugdahan sa Provincial Environment and Natural Resources Office ug Philippine Rural Development Program (PRDP).
Mga lokal nga kagamhanan, mga estudyante ug faculty sa Cebu Normal University ug Cebu Technological University ang nitambong sa mao’ng summit.
Gikataho nga ang endemic species nga mananap ug tanum sa Sugbo sama sa flowerpecker, black shama ug cinnamon nikunhod na tungod sa polusyon, exploitation ug climate change.
Si Edmund Leo Rico, executive director sa Center for Conservation Innovation (CCI) ug usa sa speakers sa summit, nagkanayon nga ang ubang parte sa kalasangan sa Sugbo nahimo na’ng critical habitats sa endangered species.
Iya’ng girekomendar ang pagmugna og mga pamaagi nga makonektar ang nahibiling forest patches sa habagatang bahin sa Sugbo.
Si Rico niawhag usab sa mga stakeholders nga magpahigayon og precautionary measures sa pagpatuman sa mga pamaagi aron dili madisturbo ang mga species. – /GMR) (BANAT NEWS)