CEBU, Philippines – Sakmiton sa kapolisan kadtong masakpang gipamaligya nga pabuto niining panahon sa Pasko ug Bag-ong Tuig nunot usab sa paghigpit sa siyudad human sa dili maayong epekto niini sa publiko.
Gani ang Bureau of Fire Protection sa siyudad wala na moisyu pa og permit sa gustong mamaligya niini human sa nahitabong aksidente niadtong 2009 diin upat ka tawo lakip na mga bata ug mabdos ang nakalas dihang niulbo ang ilang gipamaligyang pabuto.
Way gitaganang dapit ang siyudad nga firecracker zone aron wala’y mamaligya ug mogamit niini.
Si Superintendent Julian Entoma nga maoy officer -in-charge director sa Mandaue City Police Office (MCPO) mitahas karon sa mga hepe sa matag presinto sa paghimo og operasyon aron sakmiton ang mga pabuto nga ipamaligya sa kabarangayan sa maong dakbayan. – /EIM) (BANAT NEWS)