CEBU, Philippines - Nunot sa pagbukas na usab sa laing daku’ng mall sa North Reclamation Area sa Dakbayan sa Sugbo sunod semana, ang Cebu City Transportation Office nangandam na sa posible’ng paghuot sa dagan sa trapiko.
Matud ni Joy Tumulak, operations chief sa CCTO, nga 15 ka traffic enforcers ang ila’ng ibutang sa mga apektado’ng karsada aron maseguro’ng hapsay ang trapiko.
Sumala pa ni Tumulak nga 19 usab ka security guards sa Robinson’s Cebu Galleria ang gibansay sa CCTO aron modumala sa mga sakyanan atol sa pagbukas niini.
Si Mayor Michael Rama sa iya’ng bahin dili buot nga mahitabo ang grabe’ng huot sa trapiko sama sa South Road Properties atol sa pagbukas sa SM Seaside City mall sa niagi’ng semana.
Hinuon gipadayag ni Tumulak nga hapsay na ang dagan sa mga sakyanan sa SRP. (BANAT NEWS)