CEBU, Philippines - Mokabat na kapin sa P29 bilyones ang kinatibuk-ang assets sa probinsiya sa Sugbo.
Base sa ulahi’ng datos niadto’ng Septiyembre 30, 2015, ang probinsiya adunay P92.4 milyones nga cash on hand ug adunay P1.6 bilyones nga pundo sa bangko ug ang tanang kwarta sa Kapitolyo mokabat tanan sa P1.7 bilyones.
Ang probinsiya adunay P34.5 milyones nga receivable accounts, P67.8 milyones nga inter-agency receivables, P252.4 milyones nga intra-agency receivables ug P26.3 milyones nga other receivables nga ang tanan mokabat sa P381.079 milyones.
Ubos sa inventories ang probinsiya adunay P122.2 milyones nga supplies ug P5.022 milyones sa agriculture, fishery ug forestry products diin ang tanan mokabat sa P127.2 milyones.
Ubos sa investments, ang probinsiya adunay P188.281 milyones nga investment sa securities, P22.9 bilyones nga property, plant and equipment land and land improvements, P866.5 milyones nga buildings, P6,618.56 sa leasehold improvements, P98.71 milyones sa office equipment, furniture and fixtures, P110.7 milyones sa machineries ug equipment, P133.8 milyones sa transportation equipment, P46.8 milyones sa other property, plant and equipment. Sa kinatibuk-ang sumada ang probinsiya adunay P9.5 milyones ubos sa other assets ug P29 bilyones nga total assets.
Samtang ang liabilities sa probinsiya gilangkuban sa P144.8 milyones nga payable accounts, inter-agency payables nga P69.8 milyones, intra-agency payables nga P239.3 milyones, P95.8 milyones nga other liability accounts ug P15.8 milyones nga deferred credits diin mikabat tanan sa P706.7 milyones. Ubos sa equity, ang probinsiya dunay equity nga P28.2 bilyones. (BANAT NEWS)