CEBU, Philippines – Gihagit ni kanhi kongresista ug mayor Tomas Osmeña si Mayor Michael Rama nga mopasaka og kaso batok niya tungod sa pagdepensa sa mga netizens kinsa nipasangil nga siya adik.
Niadto’ng niagi’ng buwan nagpaubos sa drug test si Rama uban si Bise Mayor Edgardo Labella ug pipila ka department heads ug assistants kinsa wala’y nagpositibo.
Sa Facebook account ni Osmeña iya’ng gi-post ang pagdepensa sa mga netizens nga personal nga ni-atake ni Rama sa Facebook posts.
Giapil usab ni Osmeña ang pagdumili ni Rama sa pagpresentar sa iya’ng kaugalingon nga magpa-drug test.
Sa niagi’ng semana, una nga nagpahibawo si Rama nga pasakaan niya og kaso ang nipasangil niya nga siya adik.
Kagahapon si Rama nipahibawo nga pakigtagbo-an niya ang iya’ng mga abogado aron mangita og ebidensya para sa plano nga pagpasaka og kaso.
Dugang ni Rama nga iya usab i-check ang alegasyon ni Osmeña apan iya gipasabot nga dili na siya magpa-drug test para lang niini.
“I don’t need to have another test for him. Why should I?” matud ni Rama.
Base usab sa comments sa mga netizens nga gikwestiyon ang kaniwangon ni Rama karon diin gitubag usab ni Rama.
“He says his appearance is not because of drugs, it's because of diabetes,” base sa post ni Osmeña. – /GMR) (BANAT NEWS)