CEBU, Philippines - Giawhag sa Cebu Environmental Sanitation and Enforcement Team (CESET) ang katawhan nga dili magpataka og labay sa basura o maghugaw-hugaw sulod ug gawas sa mga sementeryo sa dakbayan sa Sugbo atol sa Kalag-kalag.
Matud ni Grace Luardo, pangulo sa CESET, nga sugod karong Sabado hangtud sa Lunes, mangdakop ang iya’ng mga sakop ug ang Barangay Environment Office (BEO) sa mga magpataka og labay og basura.
Dugang ni Luardo nga sugod kagahapon kasamtangang nagpakatap pa lang sila og pahimangno sa tagsa-tagsa ka sam-ang Katoliko apil na usab niini ang mga manindahay.
Gimando nga kinahanglan nga kanunay nga limpyo ang dapit ug kinahanglan ilabay ang mga basura sa basurahan, kinahanglan usab ang istriko nga pag-segregate sa basura sa malata ug dili malata ug sundon ang schedule sa paglabay sa basura.
Giawhag ni Luardo ang mga manindahay og sigarilyo nga pahimangnoan usab nila ang ila’ng mga kustomer nga kinahanglan nga ilabay ang basura sa basurahan, gidili usab ang pagpanigarilyo sulod sa mga sam-ang. (BANAT NEWS)