CEBU, Philippines – Kalit lang nahanaw nga mura’g bula ang kahoy nga kanhi nagbarug kilid sa kural sa usa ka dako’ng hotel ug utlanan sa usa ka service center sa sakyanan sa dalan Gorordo sa dakbayan sa Sugbo.
Sulod sa usa ka bulan, ang kahoy nga nagbarug pa gihinay-hinay og putol hangtud nga kini nahanaw na g’yud. Sa miagi’ng mga adlaw, katunga pa lang sa punoan sa kahoy ang giputol apan bisan pa niini nanalingsing pa gihapon ang maong kahoy.
Apan kagahapon, mga tinagsip na lang sa kahoy ang makita sa yuta diin nagbarug kaniadto ang maong kahoy.
Sumala pa sa licensing division sa Department of Environment and Natural Resources (DENR)-7 nga ang ilang opisina walay gihatagan og permit sa pagputol og kahoy diha sa dalan Gorordo. Bugtong ang naisyuhan lang og permit sa DENR mao ang IT Park ug Lahug areas. (/RUB) (BANAT NEWS)