CEBU, Philippines – Aksiyonan sa kapolisan ang mando ni Mayor Michael Rama nga sakmiton ang tanang video karera machines sa
Kini ang gipasalig ni Senior Superintendent Rey Lyndon Lawas, chief of staff sa Police Regional Office-7, nga nahinabi sa mga tigbalita.
Matud ni Lawas nga bisan wala pa momando si Rama padayon ang operasyon sa kapolisan batok sa illegal nga video karera.
Dugang ni Lawas nga ang pagpusta naka-apektar sa kinitaan sa pamilya.
Matud niya nga ang kinitaan sa mga bana dili na maderetso sa pamilya kay mamasin nga modaug apan mas daghan pa ang pilde kaysa higayun nga makadaug.
Giklaro ni Lawas nga magbutang sila og mga tawo nga motutok gyud sa pagsakmit sa video karera samtang dili usab nila lung-an ang kampanya sa ilegal nga drugas nga mao usab ang mando ni PRO-7 Director Prudencio Tom Bañas.
Apan sa ila’ng kampanya sa video karera, makig-alayon sila sa mga opisyal sa barangay aron nga mas molig-on ang kampanya ug mas dali ang pagdakop ug pagsakmit sa mga video karera machines.
Gawas pa niini, gihangyo sab ni Lawas ang mga pamilya nga mosuporta sa kampanya aron dili na mamenusan ang ila’ng kinitaan. – /GMR) (BANAT NEWS)