CEBU, Philippines – Giawhag sa Provincial Development Council (PDC) sa Sugbo ang Regional Development Council sa pagpahigayon og project development studies sa implementasyon ug operasyon sa Bus Rapid Transit (BRT) System paingon sa Mactan-Cebu International Airport (MCIA).
Ang PDC nagkanayon nga ang probinsiya sa Sugbo ni-adopt sa roadmap study alang sa Sustainable Urban Development sa Metro Cebu nga gipahigayon sa Japan International Cooperation Agency (JICA) ug sa Metro Cebu Development Coordinating Board (MCDCB).
Ang probinsiya sa Sugbo niila sa kamahinungdanon sa BRT alang sa urban transport development sa Metro Cebu diin lakip kini sa roadmap study.
Matud sa PDC nga ang Mactan-Cebu International Airport Authority (MCIAA) ang nihangyo sa Department of Transportation and Communication (DOTC) sa pagpahigayon og pagtuon sa BRT System sa MCIA.
Gikinahanglan usab ang endorsement sa RDC sa mao’ng proyekto. – /GMR) (BANAT NEWS)