CEBU, Philippines - Nabiktima sa kawatan ang usa ka construction company nga nahimutang sa sityo Looc Dos Barangay Bato siyudad sa Toledo.
Si Rizaldy Viloria 39, health safety environment officer sa Strong Builders Company misumbong sa Toledo City Police station human nawagtang na ang mga kable sa ilang buhatan.
Sa imbestigasyon sa mga kapulisan nasuta nga nahanaw na ang mga kable sa generator set ug laboratory set, welding cable ug kable sa lamppost.
Padayon pang gisuta ang kinatibuk-ang kantidad sa nahanaw nga mga cable wires.
Nagtuo ang maong kompaniya nga ang wala mailhing kawatan diha nilusot sa giguba nga bahin sa koral ug migamit og gabas aron pamutlon ang mga kable. – /EIM) (BANAT NEWS)