CEBU, Philippines – Madawat sa mga teaching ug non-teaching personnel sa Department of Education-7 ang ila’ng performance-based bonus (PBB) karong adlawa (Lunes) atol sa pagsaulog sa World Teachers Day.
Matud ni DepEd-7 Director Juliet Jeruta nga nakig-alayon na sila sa Department of Budget and Management-7 aron ma-isyu na ang special allotment release order o SARO.
Ang mga bag-ong personnel sa DepEd nga nakaabot na og tulo apan wala molapas og siyam ka buwan ang makadawat gihapon sa ila’ng bonus apan ibase sa pro-rata basis diin ang basehan mao ang anaa sa talaan sa nakalabay’ng tuig.
Sa DepEd-Toledo, kapin sa 2,000 ka kawani ang makadawat sa mao’ng bonus. – /GMR) (BANAT NEWS)