CEBU, Philippines - Subli na usab misiaw ang mga insidente sa pagpanulis sa kalungsoran sa lalawigan sa Sugbo nga biktimahon mga ahente ug kolektor sa nagkadaiyang kompanya.
Sa dakbayan sa Toledo, kapin sa P150 mil ang nasakiyo sa duha ka tulisan gikan ni Ryan Gargar, 27, collector sa Gold Digger Credit and Collection Services.
Ang biktima nangolekta diha sa barangay Media Once dihang giduol sa duha ka armadong lalaki ug gitionan kini og armas dayon gikuha iyang bag nga adunay P27 mil, cellphone ug pitaka nga may sulod nga P150 mil.
Sa wala pa mosibat ang mga tulisan gikuha pa nila ang yawe sa motor sa biktima. Igo na lang sa pagpa-blotter ang biktima human nga mibiya ang mga tulisan.
Sunod nga nabiktima sa mga tulisan ang usa ka ahente sa beer diha sa lungsod sa Balamban nga si Marichel Banut.
Matud pa tulo ka armadong lalaking sakay og scooter nga motor ang nition kaniya og armas dayon deklarar og tulis. Way nahimo ang biktima ug gihatag na lang ang iyang P4 mil. (BANAT NEWS)