CEBU, Philippines – Muslim Community sa Sugbo nagbangotan tungod sa nahitabo sa ilang mga kaigsuonang Muslim sa nahitabong stampede sa Mecca sa Saudi Arabia nga nikalas og kapin 700 ka pilgrim alang sa Haji.
Ang Muslim community nagtapok kagahapon sa mosque sa barangay Mambaling ug nilitok og mga pag-ampo alang sa mga biktima sa maong trahedya.
Sa pagsubay sa Banat News sa mosque sa Mambaling, nag-ihaw sila og baka ug mga kanding ug giapod-apod sa mga tawo nga sakop sa ilang komunidad lakip na usab ngadto sa mga tawo nga nanginahanglan bisan og dili mga Muslim.
Ang kalihukan sa Eidel Adha o Feast of Sacrifice sa mga Muslim, molungtad karong adlawa.
Ang administrador sa mosque nga si Imam Aladdin Ubpon usa sa liboan ka mga pilgrims nga atoa karon sa Mecca.
Apan ang iyang kapikas nga si Fatima Ubpon mitug-an nga pipila ka minuto lang human nakabiya ang iyang bana sa Mina didto sa Mecca nahitabo ang stampede.
Sumala pa ni Ubpon, lakip sa namatay sa stampade ang bana sa iyang ig-agaw nga taga Mindanao, hinungdan atol sa ilang selebrasyon sa Eid’ ul Adha nagbangotan usab sila dungan sa pag-ampo sa tanang nabiktima sa stampede.
Usa sa mga sakop sa Muslim community nibutyag sa Banat News nga sayod siya pipila sa mga nangamatay ang malipayon tungod kay kadaghanan kanila ang magadamgo gayud nga kung sila mamatay anha sa Mecca Grand Mosque. – /EIM) (BANAT NEWS)