CEBU, Philippines - Ang Information Technology (IT) ug IT-enable service industry ang usa sa vital economic drivers sa probinsiya sa padayon nga pag-uswag sa tuig 2014 ug 2015.
Base sa report sa National Economic Development Authority (NEDA) sa Central Visayas nga nabantayan sa Philippine Economic Zone Authority (PEZA) ang pagsaka sa buhis sa IT ug business process management (BPM) companies sa Cebu’s IT parks and centers sa una’ng semester sa tuig 2014.
Sa economic report sa NEDA-7, ang mao’ng industry adunay natala’ng buhis nga US$411.3 milyones gikan sa buwan sa Enero hangtud sa Hunyo 2014.
Ang mao’ng kantidad sa buhis 70 porsiyento kini sa total nga US$608.17 milyones nga abot sa tibuok tuig sa 2013.
Gikataho nga ang Cebu ang top choice sa IT-BPM companies tungod kay naa na niini ang mga gikinahanglan sa outsourcing sama sa manpower, infrastructure ug support services.
Nabantayan usab sa PEZA ang taas nga uswag sa gidaghanon sa mga empleyado sa IT-BPM industry sa first half sa 2014.
Sa report usab sa NEDA, ang employment sa Cebu IT parks and centers nisaka ngadto sa 65,303 sa una’ng unom ka buwan sa nilabay’ng tuig o 25.7 porsiyento diin labaw pa kini og gidaghanon sa mga empleyado niadto’ng tuig 2013. (BANAT NEWS)