CEBU, Philippines – Bayran sa kagamhanan sa dakbayan sa Sugbo ang pasiuna nga P100 milyones sa luna nga 93-1 sa probinsya sa Sugbo.
Usa ka kasabutan ang gikatakda nga pirmahan tali nila’ng Cebu City Mayor Michael Rama ug Gobernador Hilario Davide III alang sa pagbayad.
Ilakip sa kasabutan nga ang dugang P400 milyones unya pa bayaran inig balhin sa ngalan sa titulo.
Himuon ang luna nga mapalit nga socialized housing ubos sa Division of the Welfare for the Urban Poor (DWUP) sa kagamhanan sa dakbayan.
Ang mga luna ubos sa 93-1 anaa sa 11 ka barangay sa Kamputhaw, Capitol Site, Kalunasan, Busay, Luz, Mabolo, Apas, Lorega, Kasambagan ug Tejero nga may kapin sa 2,000 ka lote nga wala pa natiwas og bayad sa mga beneficiaries.
Base sa rekord sa Kapitolyo nga daghan pa kaayo sa mga nagpuyo sa kayutaan sa probinsya ang wala pa makatiwas sa pagbayad sa luna nga ila’ng gipuy-an. – /GMR) (BANAT NEWS)