CEBU, Philippines - Nag-una sa labi’ng ulahi nga Physician Licensure Examination ang Sugbuanon nga tinun-an sa Cebu Institute of Medicine nga si Andrew Chua Tiu.
Si Tiu ikawalo usab sa Nursing Licensure Examination niadto’ng 2009.
Nitrabaho og walo ka buwan isip nurse si Tiu ug nakadesisyon nga mopadayun sa pagtungha sa kursong pagka-doktor.
Sa resulta nga gipagawas niadtong Miyerkules sa Professional Regulation Commission, si Tiu nakakuha og grado nga 90.67 ug nag-inusarang Sugbuanon nga nakasulod sa Top 10.
Si Dr. Thelma Fernandez, Dean sa CIM, niingon nga tumong gyud sa ila’ng tunghaan nga mopili og mga maayo nga mga tinun-an aron mamintinar ang 100 percent nga passing rate sulod sa walo na ka tuig. (BANAT NEWS)