CEBU, Philippines - Ikatulo ang dakbayan sa Toledo nga daghang mga botanteng walay biometrics record sa talaan sa Commission on Elections.
Sa report sa Provincial Comelec Office, adunay 10.25 percent nga rehistradong taga Toledo City ang wala pay biometrics record o gibana-bana nga anaa sa kapin 100 mil ka mga botante. Nasayran nga kapin 80 mil lang ang adunay biometrics data nga mga taga Toledo.
Subay niini nanawagan ang Comelec Toledo sa mga botante nga mobisita na sa ilang buhatan o mosusi sa ilang mga pangalan sa website sa mga walay biometrics record.
Nag-una ang lungsod sa Sibonga nga adunay 12.67 porsiyento samtang anaa sa ikaduhang pwesto ang dakbayan sa Mandaue nga 12.05 porsiyento. (BANAT NEWS)