CEBU, Philippines – Gihangop sa Ramon Magsaysay Awardee nga si Dr. Romulo Davide ang farmer's market nga gipasiugdahan ni kanhi mayor Tomas Osmeña sa South Road Properties sa dakbayan sa Sugbo.
Matud ni Davide nga daku kaayo og tabang ang mao’ng farmers market tungod kay dunay klaro nga bagsakan ang mga mag-uuma sa ila’ng abot nga dili na magpanuko sa pag-display kay basin og abugon.
Sumala pa ni Davide nga daghang mag-uuma ang madasig sa pag-atiman sa ila’ng kaumahan kay may bagsakan na sa ila’ng abot.
Panghinaut ni Davide nga tanan local government units adunay susama nga farmers market sa SRP aron dili na mobiyahe og laing lugar ang mga mag-uuma.
Gibutyag usab ni Davide nga nagpadayun karon ang ila’ng training program sa mga mag-uuma sa kalungsuran sa probinsya sa Sugbo. – /GMR) (BANAT NEWS)