CEBU, Philippines - Human nadakpan ang siyam ka giingong sakop sa Salisi Gang, niawhag ang director sa Lapu-Lapu City Police Office, Senior Superintendent Armando Radoc, sa mga biktima sa pag-ila sa mga suspek.
Nipahimangno si Radoc sa publiko nga dili mokompiyansa kay mahimo’ng makapiyansa gihapon ang mga suspek.
"We are expecting they will post bail, since theft is a bailable offense. But, at least, the police now have pictures of the suspects," dugang ni Radoc.
Matud ni Radoc nga ang mga sakop sa Salisi Gang makamao mo kilatis sa ila’ng biktimahon ug mohimo sab sila og kaugalingong intelligence coverage.
"I advise everyone, especially those who carry expensive valuables and large sums of cash, to stay vigilant against con-artists," tataw ni Radoc.
Sa niagi’ng Martes, nadakpan ang mga suspek human nasikop sa usa ka Hapon nga Jiu Jitsu Instructor sa mall sa dakbayan sa Mandaue.
Ang mga suspek mao sila si Jody Lasong, Jomar Balwa, Cemplecio Conde, Arnold Losarito, Jonar Alodria, Rosalie Gerudias, Mary Ann Abrasaldo ug Edna Garcia ug usa ka menor de edad.
Ang uban gikataho’ng nasikop sulod sa ila’ng hideout sa lungsod sa Consolacion. (BANAT NEWS)