CEBU, Philippines - Ang kampo ni kanhi kongresita Tomas Osmeña gusto nga si RTC Judge Alexander Acosta dili na mohupot sa kaso nga naglambigit sa awhag pagpahunong sa demolition sa panimalay sa nagpuyo sa menteryo.
Nagtuo si Osmeña nga si Acosta dili makahatag og patas nga desisyon sa kaso.
Apan si City Legal Officer Jerone Castillo misupak sa lakang ni Osmeña kay wala siya’y labot sa kaso kay dili man siya maapektohan sa demolition. Apan si Osmeña milantugi nga aduna siya katungod nga mopasaka og kaso batok ni Mayor Michael Rama ug sa Konseho isip lumolupyo sa dakbayan.
Si Judge Acosta misalikway sa awhag ni Osmeña nga pugngan unta ang tinguha ni Rama nga pagguba sa panimalay atubangan sa Doña Pepang Cemetery.
Apan kaniadtong miaging semana siyam na ka panimalay daplin sa kalsada ug atubangan sa menteryo ang gisugdan sa pagguba. (BANAT NEWS)