CEBU, Philippines - Grabe’ng naangol ang usa ka lalaki nga gipusil sa dalan Juan Climaco, Poblacion, Carmen alas 11 pasado niadto’ng Martes sa gabii.
Si Police Officer 1 Cristito Aresco sa Carmen Police Station niila sa biktima nga si Joel Anguay, 30-anyos, taga lungsod sa Tuburan ug kasamtangang nagpuyo sa lungsod sa Carmen.
Naglakaw lang ang biktima pauli sa ilang panimalay diha’ng kalit gitaparan sa wala hiilhi’ng lalaki ug gidul-itan sa pagpusil.
Ang biktima nga nakabaton og samad pinusilan sa tangkugo dali’ng gihatud sa Danao Provincial Hospital ug gibalhin sa Vicente Sotto Memorial Medical Center.
Sa imbestigasyon nasuta nga kasamtangan karong gikapuyo sa biktima ang babaye nga adunay gikapuyo kaniadto nga lalaki nga nabalhug sa bilanggoan ug kasamtangan na karong gawasnon. (BANAT NEWS)