CEBU, Philippines – Giawhag sa Kapitolyo ang Department of Public Works and Highways nga paspasan ang pagtrabaho sa mga karsada sa dakbayan sa Mandaue tungod sa kahuot sa trapiko.
Si Gobernador Hilario Davide III nagkanayun nga kini isip usab pagpangandam sa Asia-Pacific Economic Cooperation (APEC) Summit sunod buwan.
Matud ni Davide nga kung dili gyud mahuman ang pagtrabaho, buot sila masayud samtang sayo pa kung asa dapita ang rota nga agian sa mga delegado sa APEC.
Karong Biyernes ang local committee sa APEC gikatakda’ng magtigum diin usa sa hisgutan ang problema sa kahuot sa trapiko sa dakbayan sa Mandaue. Ang mga contractors giawhag na usab nga doblehon o triplehon pa ang pagtrabaho sa kadalanan. – /GMR) (BANAT NEWS)