CEBU, Philippines - Patay na nga naabot sa tambalanan ang usa ka sapatero human kini dunggaba sa iyang kaubang sapatero nga iyaha rang pag-umangkon diha sa dalan Colon, Barangay Kalubihan ning dakbayan sa Sugbo.
Ang biktima naila nga si Virgilio Zafra, 47, nagpuyo sa maong lugar samtang suspek sa maong krimen mao si Christopher Zafra, 28.
Sa imbestigasyon sa kapulisan sa Homicide Section sa Cebu City Police Office nga gipangulohan ni Senior Police Officer 4 Rey Cuyos ug mga kaubanan, nagkasukmagay ang duha sa wala pa masayring hinungdan.
Apan sa pagkataodtaod nilakaw ang suspek ug sa pagbalik gihansakan og kutsilyo ang dughan sa biktima. Patay na kini pag-abot sa Cebu City Memorial Medical Center. Mitahan ang suspek sa Mambaling Police Station. (Jojo C. Ugdol/EIM)(BANAT NEWS)