CEBU, Philippines – Nangayo og suporta ang bag-ong natudlo nga pangulo sa Bureau of Fire Protection-7 sa iyang mga sakop human sa iya’ng paghulip sa niretiro nga si Regional Director Maria Luisa Hadjula.
Matud ni Supt. Erlinda Tobias nga nagduha-duha siya pagdawat sa posisyon tungod kay posible’ng malayo siya sa iya’ng pamilya sa probinsya sa Laguna diin siya ang Provincial Fire Marshall.
Bisan siya usa ka Tagalog, pasalig ni Tobias nga dili makaapektar sa iya’ng pagserbisyo ang iya’ng sinultihan ug andam usab siya sa pag-adjust sa bag-ong environment.
Sa iyang pagpakigpulong atol sa flag raising ceremony, si Tobias nangayo sa kooperasyon sa iya’ng mga sakop. “Ipasalig nako kaninyo’ng tanan nga ako pa’ng mapalambo ang BFP-7. Pinaagi sa akong kakugi ug dedikasyon sa trabaho apan mahimo nako ang tanan ko’ng anaa kamo magpaluyo kanako,” matud niya.
Sa Marso 6 nadawat niya ang Department Order nga gipirmahan ni Atty. Peter Irving Corvera diin nakalatid ang pag-designate kaniya isip officer- in-charge sa BFP sa Central Visayas. – /GMR) (BANAT NEWS)