Flagdown rate sa taxi P30 na lang

CEBU, Philippines - Sugod karong Lunes, ang flagdown rate sa taksi dinhi sa nasud gihimo na lang P30 gikan sa P40.

Sumala pa ni Rey Elnar, regional director sa Land Transportation Franchising and Regulatory Board-7 nga gitawgan siya ni LTFRB chairman Winston Gines kagahapon kabahin niini.

Matud pa ni Elnar nga ang iyang rekomendasyon nga paubsan og P10 ang flagdown rate gitugot sa LTFRB.

"Chairman Gines called me up this morning (kagahapon) that taxi fare will be reduce provisionally  by P10.00 for the flagdown rate starting Monday nationwide," sumala pang Elnar.

Sumala pa ni Ryan Benjamin Yu, general manager ug presidente sa CITRASCO  nga supak ang mga taxi operators sa Cebu nga menusan ang pletihan sa taksi.

Matud pa ni Yu nga naglaraw sila nga mosang-at og motion for reconsideration o temporary restraining order.

Samtang ang Metro Cebu Taxi Operators Association pinangulohan ni Richard Cabucos  supak sa bisan unsang fare reduction.  Miinsister sila nga bisan barato na ang petrolyo, wala mokunhod ang presyo sa piyesa sa sakyanan.

Si Elnar mibahad nga kadtong dili motuman niini mahimong pasakaan og reklamo nga overcharging. Way recalibration sa taxi meters tungod kay temporary lang  kini.

Show comments