CEBU, Philippines - Gisugdan na ang pagpanindot sa City Health Office sa dakbayan sa Toledo pinaagi sa pundo sa nasudnong kagamhanan ubos sa health enhancement program sa kantidad nga P1.9 milyones. Ang CHO nahimutang sa barangay Ilihan atbang sa Toledo City Hall.
Matud ni Dr. Esperanza Canumay, hepe sa CHO, nga ilang gipaayo ang guba na nga kisame ug ubang bahin sa edipisyo ug gilauman nga mahuman na ang maong proyekto sulod sa pipila ka buwan. Samtang padayun sab nga gihuman ang usa ka multi-purpose building nga nahimutang luyo sa CHO nga magsilbi nga laboratory.
Adunay gigahin nga P1.5 milyones alang sa katukuran sa maong multi-purpose building nga gikan sa Department of Public Works and Highways. (Raymond D. Abarcas/GMR)(BANAT NEWS)