CEBU, Philippines – Nakit-an nga naglutaw sa dagat ang patay’ng lawas sa usa ka tawo sa sitio Toril, barangay Canjulao, dakbayan sa Lapu-Lapu kagahapon sa alas 10 sa buntag.
Si PO2 Jomar Florentino sa Lapu-Lapu City Police Office - homicide section niila sa patay’ng lawas nga si Jayme Berdon, 28-anyos, taga Purok Bombshell, barangay Kalawisan.
Ang mananagat ug tanod sa barangay Kalawisan nga si Amado Amoin ang nakurat nga nakakita sa lawas ni Berdon samtang nangisda kagahapon sa buntag hinungdan nga nitawag sa Gun-ob Police Station.
Gipahimutang sa Surelife Funeral Homes ang patay’ng lawas ni Berdon alang sa autopsy examination.
Dugang ni Florentino nga wala’y nakit-ang foul play sa pagkamatay sa biktima sa dagat. – /GMR) (BANAT NEWS)