CEBU, Philippines – Gidakop sa kapolisan ang usa ka tawo nga nag-atubang og kaso nga pagpangawat sa korte sa gipuy-an niini’ng panimalay sa barangay Poblacion, lungsod sa Liloan alas 9 pasado ang takna kagahapon sa buntag.
Si Senior Police Officer 1 Oliver Rondina sa Liloan Police Station niila sa nadakpan nga si Roy Cansaderos Morrie, 34-anyos.
Matud ni Senior Police Officer 3 Ernesto Pepito nga ilang gidakop ang akusado pinaagi sa warrant of arrest nga giluwatan ni Judge Mercedita Dadole Ygnacio sa Branch 28 sa Regional Trial Court nga nagbase sa dakbayan sa Mandaue.
Samtang nadakpan usab sa akto nga pagpangawat og cellphone si Cala Jane Bautista, 27-anyos nga taga barangay Looc, dakbayan sa Mandaue alas 5 pasado ang takna kagahapon sa buntag. Si Senior Police Officer 2 Juan Calamba sa Presinto 5 sa Mandaue City Police Office(MCPO) ) niingon nga ang suspek naaktohan sa tag-iya nga si Juliet Flores, 44-anyos, dalaga nga nagpuyo sa maong dapit nga nisulod sa panimalay ug gipanguha ang duha ka mahalon nga mga cellphones. – /GMR) (BANAT NEWS)