CEBU, Philippines - Babayeng gustong makigbuwag gidunggab sa kapuyo diha sa ilang balay sa Barangay Pulambato sa dakbayan sa Bogo.
Ang 26-anyos nga suspetsado natanggong na karon sa karsel human gidunggab sa tiyan ang 22-anyos niini nga kapuyo.
Sa imbestigasyon ni Police Officer 1 Melona Lumuntad, sa Women’s Desk sa Bogo City Police Station migawas nga naglalis ang duha nianang tungora nga misangpot sa pakigbuwag sa babaye ngadto sa suspek, apan nasuko ang naulahi ug gidunggab kini.
Gidala sa Cebu Provincial Hospital sa dakbayan sa Bogo ang biktima samtang nasikop sa kapolisan sa hot pursuit operation ang suspek.
Matud pa ni Lumuntad nga pasakaan nila og kasong kalapasan sa R.A. 9262 kon Violence Against Women and their Children. (BANAT NEWS)