CEBU, Philippines - Grabe’ng naangol ang usa ka tawo nga gipusil sa bisperas sa Valentine’s Day sa barangay Masaba, dakbayan sa Danao alas 9 pasado ang takna sa gabii. Si Senior Police Officer 1 Rodrigo Roble sa Danao City Police Station niila sa biktima nga si Felixberto Calzada Roble, 43, taga barangay Dawis, lungsod sa Carmen.
Matud ni Roble nga nagsakay ang biktima sa iyang motorsiklo padulong pauli sa ilang panimalay dihang kalit lang gipusil sa wala hiilhing tawo kinsa dali nga nisibat palayo sa lugar.
Gidala sa tambalanan ang biktima samtang gihimo pa ang dugang imbestigasyon sa kapolisan. (BANAT NEWS)