CEBU, Philippines - Ningkabat sa 227 ka paresan ang gikasal kagahapon ubos sa programa’ng “Libre’ng Kasalan, I Do, I Do, Araw ng Pag-ibig” sa Pag-IBIG Fund nga gipahigayun sa J Centre Mall sa dakbayan sa Mandue.
Si Bise Presidente Jejomar Binay ang principal sponsor sa maong mass wedding nga gipahigayun ni Mandaue City Mayor Jonas Cortes isip solemnizing officer.
Matud ni Binay kinsa chairman sa Pag-IBIG Fund nga ika-upat na ka tuig ang maong programa isip halad sa ahensiya sa ilang mga miyembro.
Sa 227 ka paresan, usa lang sila si Milagros, 51-anyos ug Daniel Camos, 40-anyos, nga hingpit na gyud nga nahimo’ng bana ug asawa human sa 20 ka tuig nila nga panag-ipon ug duna sila’y usa ka anak. Ang labing bata nga paresan nga apil sa mass wedding nagpangedaron og 19 ug 24-anyos samtang ang pinakaguwang nagpangedaron og 58 ug 46-anyos. (BANAT NEWS)