CEBU, Philippines - Gisugyot ni Konsehal Alvin Dizon sa Department of Health hingusgan ang tri-media campaign sa epekto sa sigarilyo ug uban pa.
Kini human nipagawas og report ang World Health Organization nga mokabat og 16 milyones ang mamatay matag tuig sa sakit sama sa diabetes, cancer pinaagi sa sigarilyo, abusar sa inom, sobrang katambok ug pagkaon og mga aslum ug wala’y ehersisyo.
Si Shanthi Mendis, lead author sa WHO's Chronic Diseases Prevention and Management, sa iyang report niingon nga ang hinungdan sa kamatayon mao ang "lifestyle disease" sa edad nga 30 ngadto sa 60-anyos.
Gidasig ni Dizon ang Department of Education ug ang Commission on Higher Education sa pag-promote sa healthy canteen sa elementarya hangtud kolehiyo ug ehersisyo nga kalihukan sa matag tunghaan. (BANAT NEWS)