CEBU, Philippines – Dul-an sa P50 mil nga shabu ang nasakmit sa kapolisan sa dakbayan sa Lapu-Lapu pinaagi sa buy-bust operation sa niaging kadlawon sa Sabado sa dalan Dimataga, barangay Poblacion.
Matud ni Police Senior Inspector Rogelio Pineda Jr., hepe sa Lapu-Lapu City Police Office-City Anti-Illegal Drugs Special Operations Task Group, nga ang mga naaresto mao sila si Remecelio Ramas alyas Jun Konsehal, 48; John Paul Daño, 26, ug Cristuto Sorela, 43, pulos mga residente sa maong barangay.
Nakuha ang 70 ka gagmay’ng pakete sa ginadiling drugas ug P1,000 nga halin gikan ni Ramas.
Na-recover sab kang Ramas ang P200 nga marked money sa operasyon ug mga drug paraphernalia.
Laing 10 ka gagmay’ng putos sa ilegal nga drugas ang nasakmit kang Daño samtang duha ka gagmay’ng putos ang nasakmit gikan ni Sorela. – /GMR) (BANAT NEWS)