CEBU, Philippines - Mohapit man o dili si Pope Francis sa Sugbo sa iyang pagduaw sa nasud, may giandam na nga sayaw ang mga dancing inmates sa Cebu Provincial Detention and Rehabilitation Center alang sa Santo Papa. Ang kanta’ng “We Are All God’s Children” ni Jamie Rivera mao ang gihatagan og interpretasyon sa mga inmates. Matud ni CPDRC Jail Warden Romeo Manansala nga niadtong Huwebes nahuman sa mga inmates ang ilang sayaw nga iyang gihulagway nga usa ka solemn nga presentasyon.
Upat ka adlaw ang gihimong praktis nga gisalmutan sa kapin sa 2,000 ka inmates.
Hinuon ang mga inmates ug kadagkoan sa CPDRC wala’y nasugatan nga problema labot sa pasundayag tungod kay gawas nga wala sila’y gasto, prison uniform lang ang ilang sul-obon.
Makita sa ilang sayaw ang daku’ng hulagway ni Pope Francis nga maoy sentro sa ilang presentasyon lakip na ang cross formation. (Decemay P. Padilla/GMR)(BANAT NEWS)