CEBU, Philippines – Hapsay ug malinawon ang pagbalik-klase sa mga tunghaan dinhi sa dakbayan sa Sugbo kagahapo’ng adlawa.
Si Chief Inspector Enrique Belciña, hepe sa Police Community Relations (PCR) sa Cebu City Police Office nagkanayon nga wala silay nadawat nga dagkong panghitabo nga nakabalda sa pagbalik sa klase sa mga tunghaan sa siyudad.
Ang pagbug-at sa dagan sa trapiko dinhi sa dakbayan mao’y bugtong nabantayang problema sa kapulisan ilabi na sa mga lugar nga duol sa mga tunghaan.
Sagad sa mga pribadong eskuylahan dunay daghang pribadong sakyanan nga naghatud ug kuha sa ilang mga estudyante nga nakadugang sa traffic. – /EIM) (BANAT NEWS)