CEBU, Philippines - Si Cebu City Mayor Michael Rama mipahigayon og reshuffling sa iyang mga department heads niadtong Enero 2, apan dili “major revamp” itandi sa niaging tuig.
Si city administrator Dr. Lucelle Mercado nagkanayon nga gi-anunsyo kini ni Rama atol sa ilang “Assistant and Department heads meeting” niadtong Biyernes sa hapon.
Gitudlo ni Rama si Atty. Mary Ann Suson isip bag-ong hepe sa Human Resource Development Office ug ang iyang bag-ong assistant department head Juvy Morellos. Si Suson mihulip ni Atty. Dominic Dino nga gitudlo balik isip chief of staff sa mayor.
Gi-promote usab ni Rama ang assistant city assessor Liezl Gonzaga isip hulip ni city assessor Atty. Ferdinand Cañete. Si Cañete gitudlo balik sa City Legal Office.
Kahinumduman nga si Mayor Rama mipahigayon og "major revamp" sa iyang mga department heads niadtong Enero 2 sa miaging tuig diin daghang department heads nga gibalhin sa ilang departamento subay iyang sa “Show of Super Service (SOSS) campaign.” (BANAT NEWS)