CEBU, Philippines – Naglaom usab si Gobernador Hilario Davide III nga mausab ang desisyon ni Pope Francis ug mohapit kini og bisita sa Sugbo.
Matud ni Davide nga malipay siya kung mobisita sab sa Sugbo ang Santo Papa aron mahimamat sa mga Sugboanon.
"May’ unta mausab iyang huna-huna nga modalikyat siya diri sa Cebu, malipay kay ta ana and I'm hopeful," asoy ni Davide
Dugang niya nga wala pa sila nagkaestorya ni Cebu Archbishop Jose Palma.
Dili lamang si Davide maoy naglaom nga makaduaw nganhi sa Sugbo si Pope Francis, ang Cebu City government mipadala na og suwat ngadto sa Vatican nga naghangyo niini.
Sa laing bahin, si Davide mipaambit sa iyang New Year’s Resolution nga iyang buhaton ug humanon ang iyang gipanaad sa mga konstituwente.
"I resolve to accomplish what I promised to accomplish from the beginning of my term," – /EIM) (BANAT NEWS)